മീശ

പുലയക്രിസ്ത്യാനിയായ പവിയാന്റെ മകൻ വാവച്ചൻ മീശ വളർത്താൻ ശ്രമിച്ചതോടെ, അത് നാട്ടിലാകെ വലിയ വിവാദമായി. ആ മീശയെ ചുറ്റിപ്പറ്റി മധ്യതിരുവിതാംകൂറിന്റെ ചരിത്രം വട്ടം കറങ്ങി. നാട്ടിലെ സ്ത്രീകളും മൃഗങ്ങളും ജലജീവികളും പ്രകൃതിയും എല്ലാം ആ മീശയിൽ കുടുങ്ങി. പോലീസും അധികാരികളും ജന്മിമാരും വരെ മീശയെ പേടിച്ചു. ഐതിഹ്യങ്ങളിലും വായ്പ്പാട്ടുകളിലും മീശ വ്യാപിച്ചു. ഉടമയെക്കാൾ വലുതായി വളർന്ന ആ മീശ ദേശത്തിനുമുകളിൽ കറുത്ത മേലാപ്പായി പരന്നു. മീശയെയും അതിനൊപ്പം വളർന്ന ഒരു കാലഘട്ടത്തെയും ആഴത്തിൽ രേഖപ്പെടുത്തുകയാണ്, ആധുനിക ക്ലാസിക് എന്ന് വിളിക്കാവുന്ന ഈ നോവൽ.