ഏറ്റവും പ്രിയപ്പെട്ട എന്നോട്

ഏറ്റവും ഇഷ്ടമുള്ള ചിലരുടെ പേരുകൾ പറയാൻ ആവശ്യപ്പെടുമ്പോൾ, നമ്മെക്കുറിച്ച് ഓർക്കുന്നത് എത്രാമത്തെ പേരിനുശേഷമാണെന്ന് വിചാരിച്ചിട്ടുണ്ടോ? “എനിക്ക് എന്നെയാണ് ഏറ്റവും ഇഷ്ടം” എന്ന് പറയാൻ നമുക്ക് പലപ്പോഴും കഴിയാറില്ല. എന്നാൽ, അതു സാധ്യമാകുന്നിടത്ത് — നാം നമ്മെ സ്വയം ചേർത്തു നിർത്തുന്നിടത്താണ് — യഥാർത്ഥത്തിൽ ജീവിതം മാറിത്തുടങ്ങുന്നത്. അത്തരം ഒരു യാഥാർഥ്യത്തിലേക്കുള്ള യാത്രയാണ് ഈ നോവൽ. ജീവിതത്തിന്റെ എല്ലാ വൈകാരികതകളെയും താണ്ടിയുള്ള ഈ യാത്രയുടെ അവസാനത്തിൽ, “എനിക്ക് എന്നെയാണ് ഏറ്റവും ഇഷ്ടം” എന്ന് തിരിച്ചറിയുന്നിടത്താണ് നോവൽ പൂർണമാകുന്നത്.